مرزا غالب

ہر بن مو سے دمِ ذکر نہ ٹپکے خونناب
حمزہ کا قصہ ہوا، عشق کا چرچا نہ ہوا

مصحفی غلام ہمدانی

گر کیا قتل کسی کو تو کیا
چلو اس بات کا چرچا کیا ہے

مومن خان مومن

آنکھ نہ لگنے سے شب احباب نے
آنکھ کے لگ جانے کا چرچا کیا
چپکے سے ترے ملنے کا گھر والوں میں تیرے
اس واسطے چرچا ہے کہ میں کچھ نہیں کہتا

باقی صدیقی

اس طرح قطع تعلق نہ کرو
اس طرح اور بھی چرچا ہو گا

الطاف حسین حالی

جہاں میں حالیؔ کسی پہ اپنے سوا بھروسا نہ کیجیے گا
یہ بھید ہے اپنی زندگی کا بس اس کا چرچا نہ کیجیے گا

اسرار الحق مجاز

کیوں مجازؔ آپ نے ساغر توڑا
آج یہ شہر میں چرچا کیا تھا

بشیر بدر

ہر چیز ہے بازار میں اس ہاتھ دے اس ہاتھ لے
عزت گئی شہرت ملی رسوا ہوئے چرچا ہوا

زہرا نگاہ

جبر دل بے مہر کا چرچا نہیں ہوتا
تاریکیِ شب میں کوئی چہرہ نہیں ہوتا

حسرت موہانی

ہم اچھا تھا جو بہر پردہ پوشی
محبت کا تری چرچا نہ کرتے

شان الحق حقی

ہم نشیں پردگئی راز اسے کہتے ہیں
لب ساغر سے کسی رند کا چرچا نہ سنا

اختر ہوشیارپوری

درد کی دولت نایاب کو رسوا نہ کرو
وہ نظر راز ہے اس راز کا چرچا نہ کرو

شاذ تمکنت

میری وحشت کا ترے شہر میں چرچا ہو گا
اب مجھے دیکھ کے شاید تجھے دھوکا ہو گا

قیوم نظر

خواہشوں کی موت کا یارو بھلا چاہا کرو
پھیلتی تاریکیوں میں چاند کا چرچا کرو