انشاء اللہ خان انشا

جس کو کچھ دھن ہو کرے ہم سے حقیقت کی بحث
کہ ہمیں جانتے ہیں اہل طریقت کی بحث

بہادر شاہ ظفر

کسی کو دیکھتا اتنا نہیں حقیقت میں
ظفرؔ میں اپنی حقیقت کہوں تو کس سے کہوں
زلف جو رخ پر ترے اے مہر طلعت کھل گئی
ہم کو اپنی تیرہ روزی کی حقیقت کھل گئی

داغ دہلوی

ابھی ہماری محبت کسی کو کیا معلوم
کسی کے دل کی حقیقت کسی کو کیا معلوم

مصطفٰی خان شیفتہ

بوئے گل اس گل کی بو کے روبرو
فی الحقیقت بے حقیقت ہو گئی

رئیس فروغؔ

جیسے ہر شام تجھے روپ بدل کر آئے
میری آنکھوں نے الوژن کو حقیقت سمجھا

احسان دانش

ہجوم رنج سے دل کو مسرت ہوتی جاتی ہے
کہ مجھ پر آئنہ اپنی حقیقت ہوتی جاتی ہے

بشیر بدر

جس سنگ پہ نظریں کیں خورشید حقیقت ہے
جس چاند سے منہ موڑا پتھر کی کہانی ہے

بیان میرٹھی

کھلا ہے جلوۂ پنہاں سے از بس چاک وحشت کا
میں ڈرتا ہوں کہیں پردہ نہ پھٹ جائے حقیقت کا

جلیل مانک پوری

عکس ہے آئینۂ دہر میں صورت میری
کچھ حقیقت نہیں اتنی ہے حقیقت میری

جوش ملیح آبادی

آپ کو لایا ہوں ویرانوں میں عبرت کے لیے
حضرت دل دیکھیے اپنی حقیقت دیکھیے

حسرت موہانی

چاہت مری چاہت ہی نہیں آپ کے نزدیک
کچھ میری حقیقت ہی نہیں آپ کے نزدیک

رسا چغتائی

کیا پسِ پردہ توہم ہے
کیا سر پردۂ حقیقت ہے

شکیل بدایونی

غم ہے کہ ایک تلخ حقیقت ہے آج کل
دل ہے کہ سوگوار محبت ہے آج کل
کیا شے ہے متاع غم و راحت نہ سمجھنا
جینا ہے تو جینے کی حقیقت نہ سمجھنا
پھولوں کی غم رسیدہ مسرت نہ پوچھئے
ظاہر میں خندہ زن ہیں حقیقت نہ پوچھئے