انشاء اللہ خان انشا

انشاؔ کروں جو پیروی شیخ و برہمن
میں بھی انہوں کی طرح سے جوں گمرہاں رہوں

رئیس فروغؔ

آج کی نیند اچٹنے پر
کتنی دیر اداس رہوں

ضیا جالندھری

جی رہا ہوں پہ کیا یوں ہی جیتا رہوں
میں نہ تیری تڑپ ہوں نہ اپنا سکوں

ماجد صدیقی

پیار آتش سہی پر یہ کیا شرط ہے
چاندنی رات میں بھی سلگتا رہوں
یہ روش بھی کچھ ایسی بری تو نہیں
چوٹ کھاؤں مگر مسکراتا رہوں

شان الحق حقی

تم بھی کرتے رہے تلقین سکوں کی خاطر
میں بھی آوارہ و سرگشتہ رہوں اچھا ہے
چپ ہے وہ مہر بہ لب میں بھی رہوں اچھا ہے
ہلکا ہلکا یہ محبت کا فسوں اچھا ہے

احمد فراز

فراز جیسے دیا تربتِ ہوا چاہے
تو پاس آئے تو ممکن ہے میں رہوں بھی نہیں