انشاء اللہ خان انشا

چودہ یہ خانوادے ہیں چار پیر تن میں
چشتیہ سب سے اچھے یہ زور سلسلہ ہے

حیدر علی آتش

توڑ کر تارِ نگہ کا سلسلہ جاتا رہا
خاک ڈال آنکھوں میں میری قافلہ جاتا رہا

داغ دہلوی

ازل سے تا بہ ابد عشق ہے اس کے لیے
ترے مٹائے مٹے گا نہ سلسلہ دل کا

یگانہ چنگیزی

کسی کے ہو رہو اچھی نہیں یہ آزادی
کسی کی زلف سے لازم ہے سلسلہ دل کا

باقی صدیقی

یہ راستے کی لکیریں بھی گم نہ ہو جائیں
وہ جھاڑیوں کا نیا سلسلہ نظر آیا

جون ایلیا

اس سے ہر دم معاملہ ہے مگر
درمیاں کوئی سلسلہ ہی نہیں
ہے اگر وہ بہت ہی دل نزدیک
اس سے دوری کا سلسلہ مانگو

جگر مراد آبادی

زندگی اک حادثہ ہے اور کیسا حادثہ
موت سے بھی ختم جس کا سلسلہ ہوتا نہیں
کہیں ذرہ کہیں صحرا کہیں قطرہ کہیں دریا
محبت اور اس کا سلسلہ یوں بھی ہے اور یوں بھی

عرفان صدیقی

کوئی وحشی چیز سی زنجیرِ پا جیسے ہوا
دور تک لیکن سفر کا سلسلہ جیسے ہوا
الٹ گیا ہے ہر اک سلسلہ نشانے پر
چراغ گھات میں ہیں اور ہوا نشانے پر
دور افق تک ہر طرف روشن چراغوں کی قطار
داغِ دل کا سلسلہ ہو گا علیؑ آنے کو ہیں
ہوا کا حکم ہو سب کچھ تو اس کنارے تک
یہ جلتے بجھتے چراغوں کا سلسلہ بھی نہ آئے

رئیس فروغؔ

سجیلی الماریوں کے پیچھے
نوکیلے شیشوں کا سلسلہ ہے
دیر تک میں تجھے دیکھتا بھی رہا
ساتھ اک سوچ کا سلسلہ بھی رہا

عالم تاب تشنہ

یہ کہنا رات گزرتی ہے اب بھی آنکھوں میں
تمہاری یاد کا قائم ہے سلسلہ کہنا

عبید اللہ علیم

حقیقت ایک ہے لذت میں لیکن
حکایت سلسلہ در سلسلہ ہے
زمین ہے نہ زماں نیند ہے نہ بے داری
وہ چھاؤں چھاؤں سا اک سلسلہ ہمارے لیے

فارغ بخاری

یادوں کا عجیب سلسلہ ہے
سویا ہوا درد جاگ اٹھا ہے

جلیل مانک پوری

روز جاتے تھے خط اپنے روز آتے تھے پیام
ایک مدت ہو گئی وہ سلسلہ جاتا رہا

رسا چغتائی

ہر چیز سے ماورا خدا ہے
دنیا کا عجیب سلسلہ ہے
تیری زلفوں کا میری وحشت کا
ملتا جلتا ہے سلسلہ سا کچھ

اکبر حمیدی

زور و زر کا ہی سلسلہ ہے یہاں
لفظ کو کون پوچھتا ہے یہاں