بہادر شاہ ظفر

دیکھو انساں خاک کا پتلا بنا کیا چیز ہے
بولتا ہے اس میں کیا وہ بولتا کیا چیز ہے

جون ایلیا

میں اور فقط اسی کی خواہش
اخلاق میں جھوٹ بولتا ہوں

رئیس فروغؔ

زمیں پہ شور جو اتنا ہے صرف شور نہیں
کہ درمیاں میں کہیں بولتا تو میں بھی ہوں

ظہیر کاشمیری

اس نے سکوت کو بھی تکلم سمجھ لیا
کچھ اس ادائے خاص سے دل بولتا رہا
ہم کشتگان خوابِ گراں گوش ہی رہے
سورج سروں پہ وقتِ سحر بولتا رہا

عبید اللہ علیم

جو آ رہی ہے صدا غور سے سنو اس کو
کہ اس صدا میں خدا بولتا سا لگتا ہے

رسا چغتائی

در و دیوار چپ سادھے ہوئے ہیں
فقط اک عالمِ ہو بولتا ہے

اختر ہوشیارپوری

اندر باہر کی آوازیں اک نقطے پر سمٹی ہیں
ہوتا ہے گلیوں میں واویلا میرا لہو جب بولتا ہے
وہ کم سخن تھا مگر ایسا کم سخن بھی نہ تھا
کہ سچ ہی بولتا تھا جب بھی بولتا تھا بہت

اکبر حمیدی

دل کی گرہیں کہاں وہ کھولتا ہے
چاہتوں میں بھی جھوٹ بولتا ہے

محسن احسان

دستکیں سنتے ہیں سب در کھولتا کوئی نہیں
خوف گھر میں اس قدر ہے بولتا کوئی نہیں

محسن نقوی

مجھے میرے سوا سب لوگ سمجھیں
میں اپنے آپ سے کم بولتا ہوں