بہادر شاہ ظفر

دل ترا فولاد ہو تو آپ ہو آئینہ وار
صاف یک باری سنے میری اگر روداد تو

مرزا رفیع سودا

سوداؔ سے یہ میں پوچھا دل میں بھی کسی کو دوں
وہ کر کے بیاں اپنی روداد بہت رویا

باقی صدیقی

لالہ و گل کی تمنا کیسی
ایک کانٹے کے روداد نہیں

جون ایلیا

جو کچھ بھی روداد سخن تھی ہونٹوں کی دوری سے تھی
جب ہونٹوں سے ہونٹ ملے تو یک دم بے روداد ہوئے

عبدالحمید عدم

بھولی بسری باتوں سے کیا تشکیل روداد کریں
ہم کو تو کچھ یاد نہیں ہے آپ ہی کچھ ارشاد کریں

تلوک چند محروم

اس قدر بڑھتے گئے قصے کہ دفتر ہو گئے
حاشیے چڑھتے گئے اے دل تری روداد پر

حسرت موہانی

کیا وہ اب نادم ہیں اپنے جور کی روداد سے
لائے ہیں میرٹھ جو آخر مجھ کو فیض آباد سے

حفیظ جالندھری

فرشتے کیا مرتب کر سکیں گے
بہت بے ربط ہے روداد میری
پھر شہر میں چرچا ہے نئی سنگ زنی کا
اخبار میں پھر درج ہے روداد کسی کی

سیماب اکبر آبادی

بزم افسانہ کرو ختم جوانی گزری
قابلِ ذکر اب آگے کوئی روداد نہیں

کلیم عاجز

تم نے جو چاہا وہی ہو کر رہا
یہ ہماری مختصر روداد ہے