بہادر شاہ ظفر

جزو و کل کو نہیں سمجھتا میں
دل میں تھوڑا سا جانتا کچھ ہوں

میر مہدی مجروح

ہنس کے بولے یہ سب بناوٹ ہے
آپ کو خوب جانتا ہوں میں

جگر مراد آبادی

سیانا بھیج دے گا ہم کو محشر سے جہنم میں
مگر جو دل پہ گزرے گی وہ دل ہی جانتا ہو گا

ادا جعفری

کچھ اتنی روشنی میں تھے چہروں کے آئنہ
دل اس کو ڈھونڈتا تھا جسے جانتا نہ تھا

غلام محمد قاصر

ہر ایک پل کی اداسی کو جانتا ہے تو آ
مرے وجود کو تو دل سے مانتا ہے تو آ
مرے دیے نے اندھیرے سے دوستی کر لی
مجھے تو اپنے اجالے میں جانتا ہے تو آ