بہادر شاہ ظفر

پائے کوباں کوئی زنداں میں نیا ہے مجنوں
آتی آواز سلاسل کبھی ایسی تو نہ تھی
دو تین جھٹکے دوں جوں ہی وحشت کے زور میں
زنداں میں ٹکڑے ہوویں سلاسل کے چار پانچ

مومن خان مومن

یہ زلفِ خم بہ خم نہ ہو کیا تاب غیر ہے
تیرے جنوں زدے کی سلاسل کو تھامنا

یگانہ چنگیزی

نہیں معلوم کیا لذت اٹھائی ہے اسیری میں
دلِ وحشی پھڑک اٹھتا ہے آواز سلاسل سے

باقی صدیقی

دو چار گام ساتھ چلے ہیں پھر اہلِ غم
کچھ دور تک صدائے سلاسل گئی ہے پھر

عرفان صدیقی

ساری آوازوں کا انجام ہے چپ ہو جانا
نعرۂ ہو ہے تو کیا، شورِ سلاسل ہے تو کیا

علی سردار جعفری

جانے کس رنگ سے آئی ہے گلستاں میں بہار
کوئی نغمہ ہی نہیں شورِ سلاسل کے سوا

تلوک چند محروم

زنجیر غم ہے خود مری خواہش کا سلسلہ
یا زلفِ خم بہ خم کہ سلاسل کہیں جسے
اے مہربان دشت محبت چلے چلو
اپنا تو پائے شوق سلاسل میں رہ گیا

مجروح سلطان پوری

زنداں کھلا ہے جب سے ہوئے ہیں رہا اسیر
ہر گام ہے وہ شورِ سلاسل کہا نہ جائے