بہادر شاہ ظفر

ہے طرفہ امن گاہ نہاں خانۂِ عدم
آنکھوں کے روبرو سے تو لوگوں کے ٹل کے چل

حیدر علی آتش

وہ نہیں ہوں کہ رکھائی سے جو ٹل جاؤں گا
آج جاتا تھا تو ضد سے تری کل جاؤں گا
کھینچ کر تیغ کمر سے کسے دکھلاتے ہو
ناف معشوق نہیں ہوں جو میں ٹل جاؤں گا
ضبط بیتابی دل کی نہیں طاقت باقی
کوہ صبر اب یہ صدا دیتا ہے ٹل جاؤں گا

شیخ ابراہیم ذوق

جب کل ہو تو پھر وہ ہی کہوں کل کی طرح سے
گر آج کا دن بھی یوں ہی ٹل جائے تو اچھا

فیض احمد فیض

شامِ فراق، اب نہ پوچھ، آئی اور آ کے ٹل گئی
دل تھا کہ پھر بہل گیا، جاں تھی کہ پھر سنبھل گئی
یا یونہی، بجھ رہی ہیں شمعیں
یا شبِ ہجر ٹل چلی ہے

عبدالحمید عدم

غم محبت ستا رہا ہے غمِ زمانہ مسل رہا ہے
مگر مرے دن گزر رہے ہیں مگر مرا وقت ٹل رہا ہے

قمر جلالوی

کچھ وہ کہہ دیتے ہیں بیمار سنبھل جاتا ہے
وقت کا ٹالنے والا ہو تو ٹل جاتا ہے
میری بالیں پہ رونے سے کیا فائدہ
کی مری موت کس وقت ٹل جائے گا

زہرا نگاہ

کیوں اپنے پہاڑوں کے سینوں کو جلاتے ہم
خطرہ تو محبت کے اک پھول سے ٹل جاتا

عزیز حامد مدنی

وہی اک روئے آتش رنگ ہے ہلکی سی دستک ہے
سمندر پار کی موجِ ہوا جاتی نہیں ٹل کر

امیر مینائی

گرا میں ضعیف اس کے کوچے کو چل کر
زمیں رحم کر تو ہی پہنچا دے ٹل کر

فراق گورکھپوری

نہ بھولنا یہ ہے تاخیر حسن کی تاخیر
فراقؔ آئی ہوئی موت ٹل تو سکتی ہے