بہادر شاہ ظفر

گالیاں تنخواہ ٹھہری ہے اگر بٹ جائے گی
عاشقوں کے گھر مٹھائی لب شکر بٹ جائے گی

حیدر علی آتش

نا گوارا کو جو کرتا ہے گوارا انساں
زہر پی کر مزۂِ شیر و شکر لیتا ہے

مصحفی غلام ہمدانی

وعدۂِ وصل دیا عید کی شب ہم کو صنم
اور تم جا کے ہوئے شیر و شکر اور کہیں

الطاف حسین حالی

لطف ہو تیری طرف سے یا عتاب
ہم کو ہے سب شہد و شکر سے لذیذ

علی سردار جعفری

میں دل میں تلخی زہراب غم بھی رکھتا ہوں
نہ مثل شہد ہوں شیریں نہ میں شکر کی طرح