بہادر شاہ ظفر

جب کبھی دریا میں ہوتے سایہ افگن آپ ہیں
فلس ماہی کو بتاتے ماہ روشن آپ ہیں

مومن خان مومن

مہتاب کا کیا رنگ کیا دود فغاں نے
احوال شبِ تار سے روشن ہے ہمارا

جگر مراد آبادی

آج نہ جانے راز یہ کیا ہے
ہجر کی رات اور اتنی روشن
شمع ہے لیکن دھندھلی دھندھلی
سایا ہے لیکن روشن روشن

عرفان صدیقی

بزم وفا صدیقؓ و عمرؓ، عثمانؓ و علیؓ سے روشن ہے
چار ستارے ، چاروں پیارے ، چار کی آئینہ داری ہے
کن قتل گاہوں سے ملا گل رنگ پیراہن مجھے
میں سر سے پا تک شمع جاں کس نے کیا روشن مجھے

بیان میرٹھی

چراغ حسن ہے روشن کسی کا
ہمارا خون ہے روغن کسی کا

امیر مینائی

واہ امیرؔ، ایسا ہو کہنا، شعر ہیں یا معشوق کا گہنا
صاف ہے بندش، مضموں روشن، ماشاء اللہ! ماشاء اللہ!

قیوم نظر

ذرہ میں سورج اور سورج میں ذرہ روشن رہتا ہے
اب من میں ساجن رہتے ہیں اور ساجن میں من رہتا ہے