بہادر شاہ ظفر

نہ تھا شہر دہلی یہ تھا چمن کہو کس طرح کا تھا یاں امن
جو خطاب تھا وہ مٹا دیا فقط اب تو اجڑا دیار ہے
سبھی جادہ ماتم سخت ہے کہو کیسی گردشِ بخت ہے
نہ وہ تاج ہے نہ وہ تخت ہے نہ وہ شاہ ہے نہ دیار ہے
لگتا نہیں ہے دل مرا اجڑے دیار میں
کس کی بنی ہے عالم ناپائیدار میں

حیدر علی آتش

عدم کے کوچ کی لازم ہے فکر ہستی میں
نہ کوئی شہر نہ کوئی دیار راہ میں ہے

یگانہ چنگیزی

وہ دشت ہولناک وہ حبِ وطن کا جوش
پھر پھر کے دیکھنا وہ کسی بے دیار کا

مجید امجد

گزرا ادھر سے جب کوئی جھونکا تو چونک کر
دل نے کہا: یہ آ گئے ہم کس دیار میں؟

الطاف حسین حالی

حالیؔ بس اب یقین ہے کہ دلی کے ہو رہے
ہے ذرہ ذرہ مہر فزا اس دیار کا

اسرار الحق مجاز

رخصت اے ہم سفرو شہر نگار آ ہی گیا
خلد بھی جس پہ ہو قرباں وہ دیار آ ہی گیا

بیان میرٹھی

ادھر وہ جلوہ کہ موسیٰ کو بے حواس رکھا
ادھر یہ جذبہ کہ یوسف کو بے دیار کیا

علی سردار جعفری

قافلے شوق کے رکتے نہیں دیواروں سے
سینکڑوں مجس و زنداں کے دیار آتے ہیں
کیے ہیں شوق نے پیدا ہزار ویرانے
اک آرزو نے بسائے ہیں لاکھ شہر دیار

ماجد صدیقی

آنکھوں میں ترا دیار بھی ہے
دل درد سے ہمکنار بھی ہے

شان الحق حقی

ہے اب کی فصل میں رنگ بہار اور ہی کچھ
ہوا ہے نقشۂ شہر و دیار اور ہی کچھ

محسن احسان

ہوا کچھ ایسی چلی دشت نامرادی سے
اجڑ کے بس نہ سکے پھر کبھی دلوں کے دیار

ناصر کاظمی

اک دھوم رہی گلی گلی میں
آباد رہے دیار کچھ دیر