بہادر شاہ ظفر

عشق تو مشکل ہے اے دل کون کہتا سہل ہے
لیک نادانی سے اپنی تو نے سمجھا سہل ہے

داغ دہلوی

نہ ہمت نہ قسمت نہ دل ہے نہ آنکھیں
نہ ڈھونڈا نہ پایا نہ سمجھا نہ دیکھا

باقی صدیقی

ہو گئے چپ ہمیں پاگل کہہ کر
جب کسی نے بھی نہ سمجھا ہم کو

جون ایلیا

نہیں ترکِ محبت پر وہ راضی
قیامت ہے کہ ہم سمجھا رہے ہیں

جگر مراد آبادی

محشر میں بات بھی نہ زباں سے نکل سکی
کیا جھک کے اس نگاہ نے سمجھا دیا مجھے

خواجہ میر درد

شب و روز اے دردؔ در پے ہوں اس کے
کسو نے جسے یاں نہ سمجھا نہ دیکھا

عبدالحمید عدم

ہم حشر میں آتے تو ان کی تشہیر کا باعث ہو جاتے
تشہیر سے بچنے والوں کو یہ بات ذرا سمجھا دینا

شکیب جلالی

کب سے ہوں حسرتیِ یک نگہِ گرم‘ کہ جو
محفلِ شوق کے آداب مجھے سمجھا دے

مجید امجد

ہائے وہ زندگی فریب آنکھیں
اس نے کیا سوچا، میں نے کیا سمجھا
یہ آنکھیں، ہنستی وفائیں، یہ پلکیں، جھکتے خلوص
کچھ اس سے بڑھ کے کسی نے کسی کو سمجھا بھی

رئیس فروغؔ

میں تو شعلوں میں نہایا تھا فروغؔ
دور سے لوگوں نے سمجھا جل گیا

اسرار الحق مجاز

حسن کی آنکھ بھی نمناک ہوئی
عشق کو آپ نے سمجھا کیا تھا

جلیل مانک پوری

مزے بیتابیوں کے آ رہے ہیں
وہ ہم کو ہم انہیں سمجھا رہے ہیں

حسرت موہانی

دوستو ترکِ محبت کی نصیحت ہے فضول
اور نہ مانو تو دلِ زار کو سمجھا دیکھو

شکیل بدایونی

جو دل پہ گزرتی ہے وہ سمجھا نہیں سکتے
ہم دیکھنے والوں کو نظر آ نہیں سکتے
بے گانہ وار جب وہ گزرتے چلے گئے
کچھ بے قرار دل مجھے سمجھا کے رہ گیا

اختر ہوشیارپوری

برف اپنے آپ گھل جاتی ہے سورج ہو نہ ہو
شام سے پہلے یہ جانا تھا مگر سمجھا نہ تھا
تمام حرف مرے لب پہ آ کے جم سے گئے
نہ جانے میں نے کہا کیا اور اس نے سمجھا کیا

قتیل شفائی

کچھ ایسی دکھ بھری باتیں بھی ہوتی ہیں محبت میں
جنہیں محسوس کرتے ہیں مگر سمجھا نہیں سکتے

قیوم نظر

بے محابا جم ہی جائیں درد کی جب محفلیں
اپنے غم کو شہر بختِ نارسا سمجھا کرو

کلیم عاجز

میرے اشعار وہ سن سن کے مزے لیتا رہا
میں اسی سے ہوں مخاطب وہ یہ سمجھا بھی نہیں

محسن احسان

میں ایک عمر کے بعد آج خود کو سمجھا ہوں
اگر رکوں تو کنارا چلوں تو دریا ہوں
مری خودی میں نہاں ہے مرے خدا کا وجود
خدا کو بھول گیا جب سے خود کو سمجھا ہوں

ناصر کاظمی

تیرا قصور نہیں میرا تھا
میں تجھ کو اپنا سمجھا تھا