مرزا غالب

جب تک کہ نہ دیکھا تھا قدِ یار کا عالم
میں معتقدِ فتنۂِ محشر نہ ہوا تھا
نکوہش ہے سزا فریادی بیداد دلبر کی
مبادا خندۂِ دنداں نما ہو صبح محشر کی

بہادر شاہ ظفر

گریباں چاک لاکھوں ہاتھ سے اس مہر طلعت کے
برنگ صبح محشر عرصۂِ محشر میں آویں گے

مصطفٰی خان شیفتہ

شوقِ کو آج بے قراری ہے
اور وعدہ ہے روزِ محشر کا
بے پردہ وہ آئیں گے تو کیسے مجھے ہو گی
اے شیفتہ ہنگامۂِ محشر کی شکایت

قمر جلالوی

اب تو چپ ہو باغ میں نالوں سے محشر ہو گیا
یہ بھی اے بلبل کوئی صیاد کا گھر ہو گیا

مجید امجد

قیامت کہاں کی، جزا کیا، سزا کیا
ہے ہرسانس اک تازہ محشر سنبھل جا

ثروت حسین

پہنائے بر و بحر کے محشر سے نکل کر
دیکھوں کبھی موجود و میسر سے نکل کر

حفیظ ہوشیارپوری

موت کی نیند کے ماتوں پہ نہ کیوں رشک آئے
جاگنا ہے انہیں ہنگامۂ محشر بن کے

اختر ہوشیارپوری

کہیں بھی پیڑ نہیں پھر بھی پتھر آئے ہیں
گلی میں کوئی نہیں پھر بھی شور محشر ہے

امیر مینائی

ڈرتا ہے کہیں آپ نہ پڑ جائے بلا میں
کوچے میں ترے فتنہ محشر نہیں آتا

محسن نقوی

ایک اک پل میں اترتا رہا صدیوں کا عذاب
ہجر کی رات گزاری ہے کہ محشر دیکھا