مرزا غالب

جب تک کہ نہ دیکھا تھا قدِ یار کا عالم
میں معتقدِ فتنۂِ محشر نہ ہوا تھا
نکوہش ہے سزا فریادی بیداد دلبر کی
مبادا خندۂِ دنداں نما ہو صبح محشر کی

بہادر شاہ ظفر

گریباں چاک لاکھوں ہاتھ سے اس مہر طلعت کے
برنگ صبح محشر عرصۂِ محشر میں آویں گے

مصطفٰی خان شیفتہ

شوقِ کو آج بے قراری ہے
اور وعدہ ہے روزِ محشر کا
بے پردہ وہ آئیں گے تو کیسے مجھے ہو گی
اے شیفتہ ہنگامۂِ محشر کی شکایت

قمر جلالوی

اب تو چپ ہو باغ میں نالوں سے محشر ہو گیا
یہ بھی اے بلبل کوئی صیاد کا گھر ہو گیا

مجید امجد

قیامت کہاں کی، جزا کیا، سزا کیا
ہے ہرسانس اک تازہ محشر سنبھل جا