بہادر شاہ ظفر

دل ربا کو ہے دل ربائی شرط
دل ربائی نہیں تو پھر کیا ہے

مصطفٰیٰ خان شیفتہ

دل لیا جس نے بے وفائی کی
رسم ہے کیا یہ دل ربائی کی
دل نہ دینے کا ہم کو دعویٰ ہے
کس کو ہے لاف دل ربائی کی

مومن خان مومن

یک بار دیکھتے ہی مجھے غش جو آ گیا
بھولے تھے وہ بھی ہوش ربائی تمام شب

الطاف حسین حالی

دل بھی پہلو میں ہو تو یاں کس سے
رکھئے امید دل ربائی کی

حسرت موہانی

چھپ کے اس نے جو خود نمائی کی
انتہا تھی یہ دل ربائی کی