حیدر علی آتش

خار مطلوب جو ہووے تو گلستاں مانگوں
بجلی گرنے کو جو جی چاہے تو باراں مانگوں
رو کے آنکھوں سے نکالوں میں بخار دل کو
کر چکے ابر مژہ بھی کہیں باراں پیدا

شیخ ابراہیم ذوق

ہے بادہ کشوں کے لیے اک غیب سے تائید
زاہد جو دعا مانگتا باراں کے لیے ہے

فیض احمد فیض

ہے اپنی کشتِ ویراں، سرسبز اس یقیں سے
آئیں گے اس طرف بھی اک روز ابرو باراں

عرفان صدیقی

گہر برسانے والے ‘ موجِ باراں بھیج دے کوئی
خزاں کی رت میں بھی ابرِ بہاراں بھیج دے کوئی

علی سردار جعفری

آسمانوں سے برستے ہیں زمیں پر ریگزار
آج پھر سردارؔ رقص‌ برق و باراں چاہیے

شان الحق حقی

مرے آشیاں کا کیا ہے مرا آسماں سلامت
ہیں مرے چمن کی رونق یہی برق و باد و باراں

عزیز حامد مدنی

سر کشت غیر کیا کیا یہ گھٹا برس رہی ہے
کوئی ہم سے آ کے پوچھے اثر دعائے باراں
نہ آئی یاد تیری یہ بھی موسم کا تغیر تھا
یہ کشت شوق تھی پرورد ہائے باد و باراں بھی

ناصر کاظمی

پھر نئی فصل کے عنواں چمکے
ابر گرجا گلِ باراں چمکے