حیدر علی آتش

وہ نازنیں یہ نزاکت میں کچھ یگانہ ہوا
جو پہنی پھولوں کی بدھی تو درد شانہ ہوا

مصحفی غلام ہمدانی

گر اپنی بدی کے سر کو کاٹے
بیگانہ بھی پر یگانہ ہے یاں

مصطفٰیٰ خان شیفتہ

ساقی کی بے مدد نہ بنی بات رات کو
مطرب اگرچہ کام میں اپنے یگانہ تھا

عرفان صدیقی

میں بجھتا جاتا تھالیکن کنارِ جوئے وصال
جھمک رہا تھا ابھی گوہرِ یگانہ ترا
رقابتیں مرا عہدہ بحال کرتی ہوئی
میں جان دینے کے فن میں یگانہ ہوتا ہوا

الطاف حسین حالی

کر دیا مر کے یگانوں نے یگانہ ہم کو
ورنہ یاں کوئی نہ تھا ہم میں یگانہ ہرگز

عبید اللہ علیم

جو کچھ بھی ہوں میں اپنی ہی صورت میں ہوں علیمؔ
غالبؔ نہیں ہوں میرؔ و یگانہؔ نہیں ہوں میں

جلیل مانک پوری

جو بحرِ غم میں گرا ہاتھ دھو کے جینے سے
اسی کے ہاتھ بھی آیا در یگانۂ عشق

نوح ناروی

ایام خزاں میں اہلِ چمن صر صر کو ستم سے کیا روکیں
بیگانہ ہوا جب سبزہ بھی تو کون یگانہ پھولوں کا