حیدر علی آتش

ہوائے تند سے پتا اگر کوئی کھڑکا
سمند بادِ بہاری کا تازیانہ ہوا
اڑتا ہے شوق راحت منزل سے اسپ عمر
مہمیز کہتے ہیں گے کسے تازیانہ کیا

مصحفی غلام ہمدانی

یک جنبش شوقِ دل کو بس ہے
کیا حاجت تازیانہ ہے یاں

جگر مراد آبادی

تجھے حادثات پیہم سے بھی کیا ملے گا ناداں
ترا دل اگر ہو زندہ تو نفس بھی تازیانہ

عرفان صدیقی

بس ایک جست میں ہوتی ہے طے مسافتِ ہجر
سمندِ طبع کو کافی ہے تازیانہ ترا
بدن میں جیسے لہو تازیانہ ہو گیا ہے
اسے گلے سے لگائے زمانہ ہو گیا ہے

جلیل مانک پوری

کسی پہ دل کا تھا آنا کہ بے خودی چھائی
سمند ہوش کو آفت ہے تازیانۂ عشق

احمد فراز

پکارتے ہیں مہ و سال منزلوں کی طرح
لگا ہے توسن ہستی کو تازیانہ وہ

محسن احسان

سفر میں یاد نہ آئے کوئی ٹھکانہ ہمیں
غمِ زمانہ لگا ایسا تازیانہ ہمیں