حیدر علی آتش

کیا جو یار نے کچھ شغل برق اندازی
چراغ زندگی خضر تک نشانہ ہوا
ترچھی نگہ سے طائرِ دل ہو چکا شکار
جب تیر کج پڑے تو اڑے گا نشانہ کیا

داغ دہلوی

دل پہ بیٹھا کہاں سے تیر نگاہ
یہ نشانہ نظر نہیں آتا

مصحفی غلام ہمدانی

پھینکے ہے وہ تیر غمزہ مجھ پر
سمجھے ہے کہ دل نشانہ ہے یاں

جگر مراد آبادی

یہ ترا جمال کامل یہ شباب کا زمانہ
دل دشمناں سلامت دل دوستاں نشانہ

عرفان صدیقی

میں تجھ سے بچ کے بھی کیا دوسروں کے کام آیا
تو اب ملے گا تو بن جاؤں گا نشانہ ترا
فضائے شوق میں اس کی بساط ہی کیا تھی
پرند اپنے پروں کا نشانہ ہو گیا ہے