حیدر علی آتش

مسافر کی طرح رہ خانہ بر دوش
نہیں جائے اقامت دار فانی

داغ دہلوی

غم قیامت کا نہیں واعظ مجھے یہ فکر ہے
دین کب باقی رہا دنیا اگر فانی ہوئی

مصحفی غلام ہمدانی

وفا کی اس سے طلب کر نہ ہرگز اے ناداں
کہ بے وفا ہے طلسم جہان فانی آپ

یگانہ چنگیزی

لو لگی ہے یار سے اپنی طرف کھینچے گا کیا
جلوۂ نقش و نگار عالمِ فانی مجھے

جون ایلیا

ہے مرے شوقِ وصل کو یہ گلہ
اس کا پہلو سرائے فانی ہے

سراج الدین ظفر

محبت کو تو عمرِ جاؤداں بھی مختصر ہو گی
الٰہی کیا کروں میں عمر فانی لے کے آیا ہوں