حیدر علی آتش

شعلہ‌ رویوں کو نہ دکھلاؤ مجھے اے آنکھو
موم سے نرم مرا دل ہے پگھل جاؤں گا

مومن خان مومن

مطلب ہے کہ وصلت میں ہے بوالہوس آفت میں
اس گرمیِ صحبت میں اے دل نہ پگھل جانا

جون ایلیا

سوزش پرتو نگاہ نہ پوچھ
مردمک تو پگھل گئی ہو گی

عرفان صدیقی

بدن کے دونوں کناروں سے جل رہا ہوں میں
کہ چھو رہا ہوں تجھے اور پگھل رہا ہوں میں

رئیس فروغؔ

جھوٹی ہو کہ سچی آگ تری
میرا پتھر تو پگھل گیا

ادا جعفری

شبنم سی لگی جو دیکھنے میں
پتھر کی طرح پگھل رہی تھی

بیان میرٹھی

شمع ساں برسر محفل نہ جلا دیکھ مجھے
پھیل جاؤں گا ستم گر جو پگھل جاؤں گا
جوں شمع تجھ کو آتش غم سے گریز کیوں
سر پر دھری ہے آگ قدم تک پگھل کے چل

ظہیر کاشمیری

وہ اک جھلک دکھا کے جدھر سے نکل گیا
اتنی تپش بڑھی کہ زمانہ پگھل گیا

عبید اللہ علیم

ملے ہیں یوں تو بہت آؤ اب ملیں یوں بھی
کہ روح گرمی انفاس سے پگھل جائے