حیدر علی آتش

وہی دیوانگی میری ہے بہار آنے دو
دیکھ کر لڑکوں کی صورت کو بہل جاؤں گا

شیخ ابراہیم ذوق

القصہ نہیں چاہتا میں جائے وہ یاں سے
دل اس کا یہیں گرچہ بہل جائے تو اچھا

مصطفٰی خان شیفتہ

کس چین سے نظارۂِ ہر دم ہو میسر
دل کوچۂِ دشمن میں بہل جائے تو اچھا

مومن خان مومن

بت خانے سے نہ کعبے کو تکلیف دے مجھے
مومنؔ بس اب معاف کہ یاں جی بہل گیا
حوروں کی ثنا خوانی واعظ یوں ہی کب مانی
لے آ کہ ہے نادانی باتوں میں بہل جانا

فیض احمد فیض

اب جنوں حد سے بڑھ چلا ہے
اب طبیعت بہل چلی ہے

جون ایلیا

شام صبح فراق دائم ہے
اب طبیعت بہل گئی ہو گی

رئیس فروغؔ

ہم دور تلک جا سکتے تھے
تو بیٹھے بیٹھے بہل گیا

زہرا نگاہ

ہنستے ہوئے بوڑھوں کو قصے کئی یاد آتے
روتے ہوئے بچوں کا رونا بھی بہل جاتا

عبید اللہ علیم

زہے وہ دل جو تمنائے تازہ تر میں رہے
خوشا وہ عمر جو خوابوں ہی میں بہل جائے

سلام مچھلی شہری

سلامؔ جام و سبو کی یہ شاعری معلوم
وگرنہ اپنی طبیعت بہل تو سکتی ہے

شاذ تمکنت

ہر محفلِ نشاط سے پھرتا ہوں دور دور
کیا احتیاط ہے کہ ترا غم بہل نہ جائے

فراق گورکھپوری

ترے خیال کو کچھ چپ سی لگ گئی ورنہ
کہانیوں سے شبِ غم بہل تو سکتی ہے