حیدر علی آتش

عیب الفت روزِ اول سے مری طینت میں ہے
داغِ لالہ کے لیے کیا فکر مرہم کیجیے
چپ رہو دور کرو منہ نہ مرا کھلواؤ
غافلو زخم زباں کا نہیں مرہم پیدا

داغ دہلوی

جو رکھے چارہ گر کافور دونی آگ لگ جائے
کہیں یہ زخمِ دل شرمندہ مرہم بھی ہوتے ہیں

شیخ ابراہیم ذوق

ابھی دل پر جراحت سو نہ دو سو
دھرا ہے دوستو مرہم ابھی سے

عرفان صدیقی

دلِ سوزاں پہ جیسے دست شبنم رکھ دیا دیکھو
علیؑ کے نام نے زخموں پہ مرہم رکھ دیا دیکھو

ضیا جالندھری

کس طرح اس سے کہوں زخم بھی ہیں اس کی عطا
ہاتھ جس کا مرے سینے پہ ہے مرہم کی طرح

تلوک چند محروم

زہے تاثیر کوئے خاک جاناں
مرے زخموں پہ مرہم ہو گئی ہے

جوش ملیح آبادی

دور پیشیں کی طرح پھر ڈالیے سینے میں زخم
زخم کی لذت سے پھر تیار مرہم کیجیے
اٹھی جاتی ہے دل سے ہیبت آلام روحانی
جراحت بہر قلب زار مرہم ہوتی جاتی ہے

فانی بدایونی

ہر دل میں نئی شان تجلی ہے کہ فانیؔ
نشتر ہے وہ انداز جو مرہم نہ ہوا تھا

کلیم عاجز

محبت کرنے والے بھی عجب خوددار ہوتے ہیں
جگر پر زخم لیں گے زخم پر مرہمِ نہیں لیں گے