مرزا غالب

گھر ہمارا جو نہ روتے بھی تو ویراں ہوتا
بحر گر بحر نہ ہوتا تو بیاباں ہوتا
یوں ہی گر روتا رہا غالب تو اے اہلِ جہاں
دیکھنا ان بستیوں کو تم کہ ویراں ہو گئیں
غمِ عشاق نہ ہو ، سادگی آموز بتاں
کس قدر خانۂِ آئینہ ہے ویراں مجھ سے
دل پھر طوافِ کوئے ملامت کو جائے ہے
پندار کا صنم کدہ ویراں کیے ہوئے

حیدر علی آتش

آباد میرا خانۂِ ویراں ہے ان دنوں
سیلاب مجھ غریب کا مہماں ہے ان دنوں

شیخ ابراہیم ذوق

گھر سے بھی واقف نہیں اس کے کہ جس کے واسطے
بیٹھے ہیں گھر بار ہم سب خانہ ویراں چھوڑ کر

مومن خان مومن

بے سیر دشت و بادیہ لگنے لگا ہے جی
اور اس خراب گھر میں کہ ویراں نہیں رہا

فیض احمد فیض

بے بسی کا کوئی درماں نہیں کرنے دیتے
اب تو ویرانہ بھی ویراں نہیں کرنے دیتے

یگانہ چنگیزی

کیسی کیسی بستیاں دو دن میں ویراں ہو گئیں
دیکھتے ہی دیکھتے گرد پریشاں ہو گئیں

الطاف حسین حالی

بگڑی ہوئی بہت ہے کچھ اسباغ کی ہوا
یہ باغ کو رہے گی نہ ویراں کیے بغیر

اختر شیرانی

اب وہ باتیں نہ وہ راتیں نہ ملاقاتیں ہیں
محفلیں خواب کی صورت ہوئیں ویراں کیا کیا

ضیا جالندھری

میرے ہر آدرش کا عالم اب تو عالم ویراں ہے
دل میں تیری تمنا جیسے موجِ ریگ بیاباں ہے
آ تو گئے ہیں آنے والے کیسے استقبال کریں
اب وہ آبادی سونی ہے اب وہ گھروندا ویراں ہے
اس طرح عکس پڑا تیرے شفق ہونٹوں کا
صبح گلزار ہوا سینۂ ویراں اپنا
اس قدر صدمہ ہے کیوں ایک دلِ ویراں پر
شہر کے شہر یہاں ہو گئے ویراں بابا

حفیظ جالندھری

شاید یہی جہاں کسی مجنوں کا گھر بنے
ویرانہ بھی اگر ہے تو ویراں نہ کیجیے

سید ضمیر جعفری

زندگی تیرے تقاضے اگر آساں ہوتے
کتنے آباد جزیرے ہیں کہ ویراں ہوتے

سیماب اکبر آبادی

جاگ اور دیکھ ذرا عالم ویراں میرا
صبح کے بھیس میں نکلا ہے گریباں میرا

فانی بدایونی

خلد مے خانہ کو کہتے ہیں بقول واعظ
کعبہ بت خانے کو کہتے ہیں جو ویراں ہو جائے

ناصر کاظمی

کیا دن تھے جب نظر میں خزاں بھی بہار تھی
یوں اپنا گھر بہار میں ویراں نہ تھا کبھی