حیدر علی آتش

عاشق جو حسن پاک میں کچھ گفتگو کریں
دامن کا پیچھے نام لیں پہلے وضو کریں

داغ دہلوی

لگا رکھی ہے خاک اس رہ گزر کی
تیمم اپنا بڑھ کر ہے وضو سے

شیخ ابراہیم ذوق

غرض تھی کیا ترے تیروں کو آب پیکاں سے
مگر زیارت دل کیوں کہ بے وضو کرتے
عجب نہ تھا کہ زمانے کے انقلاب سے ہم
تیمم آب سے اور خاک سے وضو کرتے
قصد جب تیری زیارت کا کبھو کرتے ہیں
چشمِ پر آب سے آئینے وضو کرتے ہیں

مصحفی غلام ہمدانی

مذکور میرے گریے کا ہو جس جگہ وہاں
اہل نماز جائے تیمم وضو کریں
پیرِ مغاں کرم ہے جو سیراب ہو سکے
تیرے نم وضو سے قدح اور قدح سے ہم

فیض احمد فیض

تر دامنی پہ شیخ ہماری نہ جائیو
دامن نچوڑ دیں تو فرشتے وضو کریں
نہ تن میں‌ خون فراہم نہ اشک آنکھوں میں
نمازِ شوق تو واجب ہے بے وضو ہی سہی

یگانہ چنگیزی

مزہ گناہ کا جب تھا کہ با وضو کرتے
بتوں کو سجدہ بھی کرتے تو قبلہ رو کرتے

خواجہ میر درد

تر دامنی پہ شیخ ہماری نہ جائیو
دامن نچوڑ دیں تو فرشتے وضو کریں

قمر جلالوی

خدا کی شان واعظ بھی ہجوئے مئے کرے مجھ سے
کہ جس نے ایک اک ساغر پہ توڑا ہے وضو برسوں
یہاں نمازِ جنازہ ہے ختم ہونے کو
حضور ہیں کہ ابھی تک نہیں وضو کرتے

مصطفی زیدی

سواد دل میں لہو کا سراغ بھی نہ ملا
کسے امام بناتے کہاں وضو کرتے

رئیس فروغؔ

غم ناآ گہی جب رقص وحشت کا خیال آئے
کہیں اوپر سے کچھ نیلاہٹیں لا کر وضو کرنا

اختر شیرانی

جنابِ شیخ پہنچ جاتے حوضِ کوثر تک
اگر شراب سے مے خانے میں وضو کرتے

بیان میرٹھی

یہ ٹوٹے گی ہوائے گل سے واعظ
مری توبہ کو کیا نسبت وضو سے

حسرت موہانی

نہیں پانی تو مے خانے میں اے شیخ
جو کچھ موجود ہے لاؤں وضو کو

اکبر حمیدی

وصال دوست کی ساعت بھی آنے والی ہے
سحر قریب ہے اکبرؔ ابھی وضو رکھنا

محسن احسان

جناب محسنؔ احساں سے التجا ہے کہ وہ
پہنچ گئے ہیں سرِ آب تو وضو کیے جائیں

محسن نقوی

اجاڑ رت کو گلابی بنائے رکھتی ہے
ہماری آنکھ تری دید سے وضو کر کے