حیدر علی آتش

اس دل ربا سے وصل ہوا دے کے جان کو
یوسف کو مول لے چکے قیمت چکا چکے

فیض احمد فیض

مرے چارہ گر کو نوید ہو، صفِ دشمناں کو خبر کرو
جو وہ قرض رکھتے تھے جان پر، وہ حساب آج چکا دیا
رواں ہے نبضِ دوراں، گردشوں میں آسماں سارے
جو تم کہتے ہو سب کچھ ہو چکا ایسے نہیں ہوتا

باقی صدیقی

سو بار گرہ دے کے کسی آس نے جوڑا
سو بار میں دھاگے کی طرح ٹوٹ چکا ہوں

جون ایلیا

آ چکا پیش وہ مروت سے
اب چلوں کام ہو چکا میرا
اے صبح میں اب کہاں رہا ہوں
خوابوں ہی میں صرف ہو چکا ہوں
نوید سر خوشی جب آئے گی اس وقت تک شاید
ہمیں زہرِ غمِ ہستی گوارا ہو چکا ہو گا
ہمارے شوق کے آسودہ و خوش حال ہونے تک
تمہارے عارض و گیسو کا سودا ہو چکا ہو گا
ہے کچھ ایسا کہ جیسے یہ سب کچھ
اس سے پہلے بھی ہو چکا ہے کہیں
مل کے ہر شخص سے ہوا محسوس
مجھ سے یہ شخص مل چکا ہے کہیں

قمر جلالوی

کھا اس کی قسم جو نہ تجھے دیکھ چکا ہو
تیرے تو فرشتوں سے بھی وعدہ نہ وفا ہو

جمال احسانی

ہر قرض سفر چکا دیا ہے
دشت اور نگر ملا دیا ہے

اسرار الحق مجاز

بتانے والے وہیں پر بتاتے ہیں منزل
ہزار بار جہاں سے گزر چکا ہوں میں

بشیر بدر

پکے گیہوں کی خوشبو چیختی ہے
بدن اپنا سنہرا ہو چکا ہے