حیدر علی آتش

دہن میں آپ کے البتہ ہم کو حجت ہے
کمر کا بھید جو پوچھوں میاں نہیں معلوم

مصحفی غلام ہمدانی

گرچہ رکھتے ہیں نزاکت یہ سبھی مو کمراں
وہ نزاکت ہے جدی اور وہ میاں اور ہی ہے
ابھی سے کہاں اٹھ چلے کوئی دم
غنیمت ہے صحبت میاں بیٹھیے

میر مہدی مجروح

زلف کے بار سے کمر لچکے
کس قدر نازک اے میاں ہو تم

جون ایلیا

کیا یقیں اور کیا گماں چپ رہ
شام کا وقت ہے میاں چپ رہ

عرفان صدیقی

دل طرفدارِ حرم، جسم گرفتارِ فرنگ
ہم نے کیا وضع نکالی ہے میاں دیکھئے گا
درد کی کیا بساط ہے جس پہ یہ پیچ و تاب ہو
دیکھ عزیز صبر صبر، دیکھ میاں نہیں نہیں