حیدر علی آتش

خار خار دل غنیمت جانتا ہوں عشق میں
زلف دود آہ کی آراستگی کاشانہ ہے

شیخ ابراہیم ذوق

دود دل سے ہے یہ تاریکی مرے غم خانہ میں
شمع ہے اک سوزن گم گشتہ اس کاشانہ میں

سراج الدین ظفر

خوشا اے جوش حسرت اشک بھر آئے ہیں آنکھوں میں
ترستا تھا چراغاں کو مرا کاشانہ برسوں سے

امیر مینائی

جادۂ راہِ عدم ہے رہِ کاشانۂ عشق
ملکُ الموت ہیں دربان درِ خانۂ عشق
کم بلندی میں نہیں عرش سے کاشانۂ عشق
دونوں عالم ہیں دو مصراع درِ خانۂ عشق
ہے جو واللیل سرا پردۂ کاشانۂ عشق
سورۂ شمس ہے قندیل درِ خانۂ عشق

ناصر کاظمی

زمزمہ ریز ہوے اہلِ چمن
پھر چراغاں ہوا کاشانۂ گل
آج ہم خاک بسر پھرتے ہیں
ہم سے تھی رونق کاشانہ گل