داغ دہلوی

خوب پردہ ہے کہ چلمن سے لگے بیٹھے ہیں
صاف چھپتے بھی نہیں سامنے آتے بھی نہیں

شیخ ابراہیم ذوق

کون وقت اے وائے گزرا جی کو گھبراتے ہوئے
موت آتی ہے اجل کو یاں تلک آتے ہوئے

مصحفی غلام ہمدانی

خونِ دل کم ہوا مگر جو مرے
آج تھم تھم کے آتے ہیں آنسو
ہم سے تو اب تلک وہی شرم و حجاب ہے
گر ہر کسی کے سامنے آتے ہو ہم کو کیا

مومن خان مومن

وہ کہاں ساتھ سلاتے ہیں مجھے
خواب کیا کیا نظر آتے ہیں مجھے
مومنؔ اور دیر خدا خیر کرے
طور بے ڈھب نظر آتے ہیں مجھے