داغ دہلوی

مری تو ہے بات زہر ان کو وہ ان کے مطلب ہی کی نہ کیوں ہو
کہ ان سے جو التجا سے کہنا غضب ہے ان کو وہی نہ کرنا
مزے عشق کے کچھ وہی جانتے ہیں
کہ جو موت کو زندگی جانتے ہیں
جو ہے میرے دل میں انہیں کو خبر ہے
جو میں جانتا ہوں وہی جانتے ہیں

باقی صدیقی

جنونِ عشق کی منزل وہی ہے
جہاں ہر آشنا بھی اجنبی ہے

بشیر بدر

خدا کی اتنی بڑی کائنات میں میں نے
بس ایک شخص کو مانگا مجھے وہی نہ ملا

ناصر کاظمی

کوئی جب مل کے ہوا تھا رخصت
دل بے تاب وہی رات آئی
میں تو وہ نہیں رہا
ہاں مگر وہی ہے تو
یہ خوابِ سبز ہے یا رت وہی پلٹ آئی
چھتوں پہ گھاس ہوا میں نمی پلٹ آئی

نوح ناروی

مجھ کو نہ بلاتے ہیں نہ آتے ہیں مرے گھر
افسوس ہے ان سے نہ یہی ہو نہ وہی ہو