داغ دہلوی

گزری ہے آزمائش مہر و وفا میں عمر
فرصت مجھے ملی نہ کبھی امتحان سے
اے موت تو نے دیر لگائی ہے کس لیے
عاشق کا امتحان ہے تیرا امتحان نہیں
کھا گئے تھے وفا کا دھوکا ہم
جھوٹ سچ امتحان سے نکلا
صاف کب امتحان لیتے ہیں
وہ تو دم دے کے جان لیتے ہیں
مستعد ہو کے یہ کہو تو سہی
آئیے امتحان لیتے ہیں

مصطفٰی خان شیفتہ

شراب دیکھ کہ کس رنگ کی پلاتا ہے
جز اس کے اور نہیں امتحانِ بادہ فروش

مومن خان مومن

میں اور اس کو بلاؤں گا روز وصل میں لو
اجل بھی کرنے محبت کا امتحان لگی

مرزا رفیع سودا

ہے جفا سے غرض اسے اتنی
کہ وفا امتحان پڑتی ہے

یگانہ چنگیزی

ہائے کیا کیا نگاہ بھٹکی ہے
جب کبھی امتحان میں آئی

جون ایلیا

عمر گزرے گی امتحان میں کیا
داغ ہی دیں گے مجھ کو دان میں کیا
زندگی کا تھا اپنا عیش مگر
سب کی سب امتحان میں گزری
ہم نے پیہم قبول و رد کر کے
اس کو ایک امتحان میں رکھا

جگر مراد آبادی

ہم سے جو ہو سکا سو کر گزرے
اب ترا امتحان ہے پیارے

شکیب جلالی

آگ کے درمیان سے نکلا
میں بھی کس امتحان سے نکلا
شکر ہے اس نے بے وفائی کی
میں کڑے امتحان سے نکلا

عرفان صدیقی

خوف بھی، امتحان بھی، ہم بھی
بحر بھی، بادبان بھی، ہم بھی
ابھی تو سب سے بڑا امتحان بیچ میں ہے
ہمارے جسم جدا ہیں کہ جان بیچ میں ہے

مجید امجد

دیکھنے والے ، یہ نظارہ بھی دیکھ
عزم بھی، امتحان بھی، ہم بھی