داغ دہلوی

میرے آنسو کی اس نے کی تعریف
خوب موتی یہ کان سے نکلا

شیخ ابراہیم ذوق

خدا کرے کہے تجھ سے یہ کچھ خدا لگتی
کہ زلف اے بت بدکیشں تیرے کان لگی

مرزا رفیع سودا

لیکن اتنا کوئی کہے مجھ سے
کبھو اس کے بھی کان پڑتی ہے

یگانہ چنگیزی

کس کی آواز کان میں آئی
دور کی بات دھیان میں آئی

جون ایلیا

خامشی کہہ رہی ہے کان میں کیا
آ رہا ہے مرے گمان میں کیا

شکیب جلالی

یہ گہر جس کو آفتاب کہیں
کس اندھیرے کی کان سے نکلا

سیماب اکبر آبادی

حقیقت کا کہے جو حال کر ایسی زباں پیدا
محبت کے سنیں جو گیت ایسے کان پیدا کر

احمد فراز

اپنی ہی آواز کو بے شک کان میں رکھنا
لیکن شہر کی خاموشی بھی دھیان میں رکھنا
دل دھڑکنے کی صدا آتی ہے گاہے گاہے
جیسے اب بھی تری آواز مرے کان میں ہے

ناصر کاظمی

سن کے آوازۂ گل کچھ نہ سنا
بس اسی دن سے ہوے کان مجھے