داغ دہلوی

دل بھی بچا جگر بھی بچا خیر ہو گئی
تیر نگاہ پار ہوا درمیان سے
ہم کھڑے تم سے باتیں کرتے تھے
غیر کیوں درمیان سے نکلا

مصحفی غلام ہمدانی

بری ہے واجب و ممکن کی قید سے وہ حسن
نہ درمیانۂِ مردم نہ درمیان نگاہ

مومن خان مومن

گلی میں اس کی نہ پھر آتے ہم تو کیا کرتے
طبیعت اپنی نہ جنت کے درمیان لگی

مرزا رفیع سودا

یہ دوراہا جو کفر و دیں کا ہے
دونوں کے درمیان پڑتی ہے

یگانہ چنگیزی

آنکھ نیچی ہوئی ارے یہ کیا
کیوں غرض درمیان میں آئی

جگر مراد آبادی

مجھ میں تجھ میں تو کوئی فرق نہیں
عشق کیوں درمیان ہے پیارے

شکیب جلالی

آگ کے درمیان سے نکلا
میں بھی کس امتحان سے نکلا
جب بھی نکلا ستارہِ امید
کہر کے درمیان سے نکلا

عرفان صدیقی

میں چلا تھا سوچ کے اور کچھ کہ کچھ اور دھیان میں آ گیا
تری خیر شہرِ ستم ہوئی کوئی درمیان میں آ گیا