داغ دہلوی

بات میری کبھی سنی ہی نہیں
جانتے وہ بری بھلی ہی نہیں

جون ایلیا

ایک ہی حادثہ تو ہے اور وہ یہ کہ آج تک
بات نہیں کہی گئی بات نہیں سنی گئی
علاج یہ ہے کہ مجبور کر دیا جاؤں
وگرنہ یوں تو کسی کی نہیں سنی میں نے

رئیس فروغؔ

اتر کر سوچ کی نیلاہٹوں میں
کسی مہتاب کی آہٹ سنی ہے

احسان دانش

ہمارے سامنے ہر وقت انجام شکایت تھی
کہی کو ان کہی کر دی سنی کو ان سنی ہم نے

زہرا نگاہ

ایک مدت کے بعد دھند چھٹی
دل نے اپنی کہی سنی کل رات

احمد راہی

تمہارے ہاتھ سہی فیصلہ مگر پھر بھی
ذرا اسیر کی روداد تو سنی جائے

جلیل مانک پوری

یہ رنگ گلاب کی کلی کا
نقشہ ہے کس کی کم سنی کا

اختر ہوشیارپوری

میں اتنے زور سے چیخا چٹخ گیا ہے بدن
پھر اس کے بعد کسی نے نہیں سنی میری

کیف بھوپالی

کئی انقلاب آئے کئی خوش خرام گزرے
نہ اٹھی مگر قیامت تری کم سنی سے پہلے

نوح ناروی

کیا بات ہے چھپتی ہی نہیں بات ہماری
جو ان سے کہی تھی وہ رقیبوں سے سنی آج