داغ دہلوی

اڑ گئی یوں وفا زمانے سے
کبھی گویا کسی میں تھی ہی نہیں

شیخ ابراہیم ذوق

مجنوں و کوہ کن کے سنتے تھے یار قصے
جب تک کہانی ہم نے اپنی نہ تھی سنائی

جون ایلیا

ہائے وہ شوق جو نہیں تھا کبھی
ہائے وہ زندگی جو تھی ہی نہیں
ہے جہنم جو یاد اب اس کی
وہ بہشت وجود تھی کب تک
یہ پیہم تلخ کامی سی رہی کیا
محبت زہر کھا کے آئی تھی کیا
محبت میں ہمیں پاس انا تھا
بدن کی اشتہا صادق نہ تھی کیا
یہ اکثر تلخ کامی سی رہی کیا
محبت زک اٹھا کر آئی تھی کیا
محبت میں ہمیں پاس انا تھا
بدن کی اشتہا صادق نہ تھی کیا
جواب‌ بوسہ سچ انگڑائیاں سچ
تو پھر وہ ہے وفائی جھوٹ تھی کیا
ترا خیال تو ہے پر ترا وجود نہیں
ترے لیے تو یہ محفل سجائی تھی میں نے

قمر جلالوی

یہ آئینے کی سازش تھی کچھ خطا بھی نہ تھی میری
ترے منہ پر کہی تیری مرے منہ پر کہی میری

زہرا نگاہ

انگلیاں آسمان چھوتی تھیں
ہاں مری دسترس میں تھی کل رات
اٹھتا جاتا تھا پردۂ نسیاں
ایک اک بات یاد تھی کل رات

عزیز حامد مدنی

ہزار شکر کہ بے خواب ہے سحر کے لیے
وہ چشم ناز کہ جو جاگتوں میں تھی بھی نہیں
کرم کی وجہ نہ تھی بے سبب خفا بھی ہے وہ
مزاجِ حسن سے یہ بات دور تھی بھی نہیں

فانی بدایونی

​
منزل عشق پہ تنہا پہنچے کوئی تمنا ساتھ نہ تھی

احمد فراز

مدتیں ہو گئیں فرازؔ مگر
وہ جو دیوانگی کہ تھی ہے ابھی

ناصر کاظمی

آج تو بے سبب اداس ہے جی
عشق ہوتا تو کوئی بات بھی تھی
کچھ اس ادا سے دکھایا ہے تیری یاد نے دل
وہ لہر سی جو رگ و پے میں تھی پلٹ آئی