داغ دہلوی

اسے دیکھ کر اور کو پھر جو دیکھے
کوئی دیکھنے والا ایسا نہ دیکھا
مشتاق بہت ہیں مرے کہنے کے پر اے داغ
یہ وقت ہی ایسا ہے کہ میں کچھ نہیں کہتا

مصطفٰی خان شیفتہ

غیر ہی کو چاہیں گے اب شیفتہ
کچھ تو ہے جو یار نے ایسا کیا

مومن خان مومن

کچھ بھی بن آتی نہیں کیا کیجیے
اس کے بگڑنے نے کچھ ایسا کیا
ہاں تنگ دہانی کا نہ کرنے کے لیے بات
ہے عذر پر ایسا ہے کہ میں کچھ نہیں کہتا

باقی صدیقی

سرسری ربط کی امید ہی کیا
اس پہ یہ ظلم کہ ایسا بھی نہیں

خواجہ میر درد

یگانہ ہے تو آہ بیگانگی میں
کوئی دوسرا اور ایسا نہ دیکھا

قمر جلالوی

نہ دینا آشیاں کو آگ ورنہ جان دے دیں گے
ہمارے سامنے صیاد ایسا ہو نہیں سکتا
کروں سجدے میں اے بت مجھ سے ایسا ہو نہیں سکتا
خدا تو ہو نہیں سکتا میں بندہ ہو نہیں سکتا

آنس معین

جیسے اک طوفان سے پہلے کی خاموشی
آج مری بستی میں ایسا سناٹا ہے

ثروت حسین

یہ جو پھوٹ بہا ہے دریا پھر نہیں ہوگا
روئے زمیں پر منظر ایسا پھر نہیں ہوگا

حسرت موہانی

عاشقو حسن جفاکار کا شکوہ ہے گناہ
تم خبردار خبردار نہ ایسا کرنا
اب نہیں دل کو کسی صورت کسی پہلو قرار
اس نگاہِ ناز نے کیا سحر ایسا کر دیا

رسا چغتائی

ہے لیکن اجنبی ایسا نہیں ہے
وہ چہرہ جو ابھی دیکھا نہیں ہے

شبلی نعمانی

ناتواں عشق نے آخر کیا ایسا ہم کو
غم اٹھانے کا بھی باقی نہیں یارا ہم کو
دردِ فرقت سے ترے ضعف ہے ایسا ہم کو
خواب میں بھی ترے دشوار ہے آنا ہم کو

عزیز حامد مدنی

اب یہ ہے کہ تھمتا ہوا دریا ہے تری یاد
بے فیض یہ دریا کبھی ایسا بھی نہیں تھا

اختر ہوشیارپوری

وہ بھی سچ کہتے ہیں اخترؔ لوگ بیگانے ہوئے
ہم بھی سچے ہیں کہ دنیا کا چلن ایسا نہ تھا

شاذ تمکنت

حسن سر تا پا تغافل ہے روایت کے نثار
تجربہ اپنا یہ کہتا ہے کہ ایسا بھی نہیں
ہمیں تو عمر بھر کا غم کہ ایسا کیوں ہوا ہو گا
ہمیں اب کون سمجھائے کہ ایسا ہو ہی جاتا ہے

فراق گورکھپوری

ایک مدت سے تری یاد بھی آئی نہ ہمیں
اور ہم بھول گئے ہوں تجھے ایسا بھی نہیں
یہ بھی سچ ہے کہ محبت پہ نہیں میں مجبور
یہ بھی سچ ہے کہ ترا حسن کچھ ایسا بھی نہیں
میں عدم اندر عدم میں ہوں جہاں اندر جہاں
ایک ہی دنیا ہو میری اے فراقؔ ایسا نہیں

محبوب خزاں

حال ایسا نہیں کہ تم سے کہیں
ایک جھگڑا نہیں کہ تم سے کہیں

محسن احسان

تماشا اس برس ایسا ہوا ہے
سمندر سوکھ کر صحرا ہوا ہے

محسن نقوی

معرکہ اب کے ہوا بھی تو پھر ایسا ہو گا
تیرے دریا پہ مری پیاس کا پہرہ ہو گا

نوح ناروی

گزرتی ہے بشر کی زندگی کس وہم باطل میں
جو ایسا ہو تو ایسا ہو جو ایسا ہو تو ایسا ہو
ظلم سے رکھے کام ہمیشہ دعوے کرتا جائے وفا کا
کون زمانے میں ہے ایسا میں ہی میں ہوں تو ہی تو ہے