داغ دہلوی

جنت میں جائیں ہم کہ جہنم میں جائیں ہم
مل جائے تو کہیں نہ کہیں تجھ کو پائیں ہم
غم سے کہیں نجات ملے چین پائیں ہم
دل خون میں نہائے تو گنگا نہائیں ہم

میر مہدی مجروح

وہی دردِ فرقت وہی انتظار
بھلا مر کے کیا چین پائیں گے ہم
شب و روز دل کو کریدیں نہ کیوں
یہیں سے پتا اس کا پائیں گے ہم

باقی صدیقی

کیا زیست کا راز پائیں گے ہم
کتنے پردے اٹھائیں گے ہم
انداز جہاں کے دیکھتے ہیں
اپنی بھی خبر نہ پائیں گے ہم
ہم تیرے خیال سے بھی گزرے
ایسے میں اگر مراد پائیں

سیف الدین سیف

جب تصور میں نہ پائیں گے تمہیں
پھر کہاں ڈھونڈنے جائیں گے تمہیں

شکیل بدایونی

مرے داغِ دل کی تابش جو کبھی یہ دیکھ پائیں
وہیں رشک بے اماں سے مہ و مہر ڈوب جائیں

امیر مینائی

اب جو منہ موڑیں بندگی سے تری
اے بت اپنے خدا سے پائیں ہم