داغ دہلوی

جوف فلک میں خاک بھی لذت نہیں رہی
جی چاہتا ہے تیری جفائیں اٹھائیں ہم

باقی صدیقی

کیا زیست کا راز پائیں گے ہم
کتنے پردے اٹھائیں گے ہم
اک بات نہ اٹھ سکے جہاں کی
کیا بار حیات اٹھائیں گے ہم

بشیر بدر

وہ دھوپ کے چھپر ہوں یا چھاؤں کی دیواریں
اب جو بھی اٹھائیں گے مل جل کے اٹھائیں گے
جب ساتھ نہ دے کوئی آواز ہمیں دینا
ہم پھول سہی لیکن پتھر بھی اٹھائیں گے

شان الحق حقی

دیکھے کوئی افلاک کا یہ جوش تباہی
تنکے کو ڈرنا ہو تو طوفان اٹھائیں

امیر مینائی

تیرے جور و ستم اٹھائیں ہم
یہ کلیجا کہاں سے لائیں ہم
زار سے زار ہیں جہاں میں امیر
دل ہی بیٹھے جو لطف اٹھائیں ہم