داغ دہلوی

حشر میں لطف ہو جب ان سے ہوں دو باتیں
وہ کہیں کون ہو تم، ہم کہیں مرنے والے

جون ایلیا

وہ کیا کچھ نہ کرنے والے تھے
بس کوئی دم میں مرنے والے تھے
یوں تو مرنا ہے ایک بار مگر
ہم کئی بار مرنے والے تھے

عرفان صدیقی

جینے سے بڑا کوئی بھی آزار نہ نکلا
جب اپنے مسیحاؤں کے مرنے کی خبر آئی
طلسمات تھا شہ سواروں کا شہر
کہ زندہ جہاں لوگ مرنے کو تھے

ماجد صدیقی

ماجدؔ کو اگر بعد مؤدت تری درپیش
ہو موت سی آفت بھی تو مرنے کا نہیں ہے

جوش ملیح آبادی

کہہ دو دنیا کے حوادث سے نہ چھیڑیں اس طرح
جوشؔ ہم تیار ہی بیٹھے ہیں مرنے کے لیے

شکیل بدایونی

قضا مژدۂ زندگی لے کے آئے
کچھ اس طرح مرنے کو جی چاہتا ہے

احمد فراز

گئی رتوں کا تعلق بھی جان لیوا تھا
بہت سے پھول نئے موسموں میں مرنے لگے