داغ دہلوی

نہ کہیے گو کہ حالِ دل مگر رنگ آشنا ہیں ہم
یہ ظاہر آپ کی کیا خامشی سے ہو نہیں سکتا

جون ایلیا

تھی جو کبھی سر سخن میری وہ خامشی گئی
ہائے کہن‌ سنن کی بات ہائے وہ بات ہی گئی

شکیب جلالی

تو اس میں ڈوب کے شاید ابھر سکے نہ کبھی
مرے حبیب مری خامشی سمندر ہے

ماجد صدیقی

جھان کے جو بام پر سے سورج تری ہنسی کا
ہم بھی کریں مداوا، یخ بستہ خامشی کا

اختر امام رضوی

کوئی دھواں اٹھا نہ کوئی روشنی ہوئی
جلتی رہی حیات بڑی خامشی کے ساتھ
مجھے پکارو تو دیوار ہوں سنو تو صدا
میں گونجتا ہوں فضاؤں میں خامشی کی طرح

اختر ہوشیارپوری

کسے خبر کہ گہر کیسے ہاتھ آتے ہیں
سمندروں سے بھی گہری ہے خامشی میری

کیف بھوپالی

کٹیا میں کون آئے گا اس تیرگی کے ساتھ
اب یہ کواڑ بند کرو خامشی کے ساتھ

ناصر کاظمی

رات بھر ہم نہ سو سکے ناصرؔ
پردۂ خامشی میں کیا کچھ تھا
دن ڈھلا رات پھر آ گئی سو رہو سو رہو
منزلوں چھا گئی خامشی سو رہو سو رہو
تو شریکِ سخن نہیں ہے تو کیا
ہم سخن تیری خامشی ہے ابھی