داغ دہلوی

اے لبِ یار تجھ کو میری قسم
کبھی سچی قسم بھی کھائی ہے

جون ایلیا

مردِ میداں ہوں اپنی ذات کا میں
میں نے سب سے شکست کھائی ہے
جانِ جاں تجھ سے دو بدو ہو کر
میں نے خود سے شکست کھائی ہے
دولت دہر سب لٹائی ہے
میں نے دل کی کمائی کھائی ہے

الطاف حسین حالی

ڈر نہیں غیر کا جو کچھ ہے سو اپنا ڈر ہے
ہم نے جب کھائی ہے اپنے ہی سے زک کھائی ہے
بات کچھ ہم سے بن نہ آئی آج
بول کر ہم نے منہ کی کھائی آج
زد سے الفت کی بچ کے چلنا تھا
مفت حالیؔ نے چوٹ کھائی آج

شکیل بدایونی

دل نے غم سے شکست کھائی ہے
عمرِ رفتہ تری دہائی ہے
دل کی بربادیوں پہ نازاں ہوں
فتح پا کر شکست کھائی ہے

فانی بدایونی

آنکھ اٹھائی ہی تھی کہ کھائی چوٹ
بچ گئی آنکھ دل پہ آئی چوٹ