شیخ ابراہیم ذوق

دیکھ کر قاتل کو بھر لائے خراش دل میں خوں
سچ تو یہ ہے مسکرانا کوئی ہم سے سیکھ جائے

جگر مراد آبادی

ہمت قاتل بڑھانا چاہیے
زیر خنجر مسکرانا چاہیے

عرفان صدیقی

جو تیر بوڑھوں کی فریاد تک نہیں سنتے
تو ان کے سامنے بچوں کا مسکرانا کیا

مجید امجد

اے غم، انیسِ دل، یہ تری دلنوازیاں
ہم کو تری خوشی کے لیے مسکرانا تھا

اسرار الحق مجاز

مجھے آج ساحل پہ رونے بھی دو
کہ طوفان میں مسکرانا بھی ہے

حسرت موہانی

جان کر سوتا تجھے وہ قصد پا بوسی مرا
اور ترا ٹھکرا کے سر وہ مسکرانا یاد ہے

سیف الدین سیف

غمِ دل کسی سے چھپانا پڑے گا
گھڑی دو گھڑی مسکرانا پڑے گا

سلام مچھلی شہری

کبھی کبھی عرضِ غم کی خاطر ہم اک بہانا بھی چاہتے ہیں
جب آنسوؤں سے بھری ہوں آنکھیں تو مسکرانا بھی چاہتے ہیں

احمد فراز

بجھا دیا ہے تجھے بھی فرازؔ دنیا نے
کہاں گیا ترا ہر وقت مسکرانا وہ