شیخ ابراہیم ذوق

کیوں کہ نکلے تیرا اس کا دل میں پیکاں چھوڑ کر
جائے بیضے کو کہاں یہ مرغ پراں چھوڑ کر

مصحفی غلام ہمدانی

اور جو جاتی تھی کبھی خوشۂِ پرویں پہ نگاہ
وہ بھی لگتا تھا صنم دستۂِ پیکاں تجھ بن

عبدالحمید عدم

وہ ابرو یاد آتے ہیں وہ مژگاں یاد آتے ہیں
نہ پوچھو کیسے کیسے تیر و پیکاں یاد آتے ہیں

قمر جلالوی

کیا سے کیا یہ او دشمنِ جاں تیرا پیکاں ہو گیا
تھا کماں تک تیر دل میں آ کے ارماں ہو گیا
کائناتِ دل ہی کیا تھی چار بوندیں خون کی
دو غذائے غم ہوئیں دو نذرِ پیکاں ہو گئیں

بیان میرٹھی

گئے تھے روندنے دل کو لیے بیٹھے ہیں تلووں کو
فرو رگ رگ میں نشتر تھے نہاں نس نس میں پیکاں تھا

ظہیر کاشمیری

طے ہو چکا ہے سود و زیاں کا معاملہ
زخم آئیں گے تو لذت پیکاں بھی آئے گی

شاد عظیم آبادی

ہم دعا دیں تجھے دل کھول کے اے پہلوئے تنگ
ٹوٹ کر سینہ میں رہ جائے جو پیکاں ان کا

شبلی نعمانی

تیر قاتل کا یہ احساں رہ گیا
جائے دل سینہ میں پیکاں رہ گیا
جذبۂ دل کا ذرا دیکھو اثر
تیر نکلا بھی تو پیکاں رہ گیا

فانی بدایونی

اس نے کیا سینۂ صد چاک سے کھینچا فانیؔ
دل میں کہتا ہوں وہ کہتا ہے کہ پیکاں نکلا