شیخ ابراہیم ذوق

وہ گئے گھر غیر کے اور یاں ہمیں دم بھر کے بعد
بد گمانی ان کے گھر سو گھر پھرا کر لے گئی

مصحفی غلام ہمدانی

جو گلی میں یار کی جاؤں ہوں تو اجل کہے ہے یہ رحم کھا
تو ستم رسیدہ نہ جا ادھر کوئی زندہ واں سے پھرا نہیں

یگانہ چنگیزی

دنیا کا چلن ترک کیا بھی نہیں جاتا
اس جادۂ باطل سے پھرا بھی نہیں جاتا

جمال احسانی

جو سایہ سایہِ شب و روز میرے ساتھ رہا
گلی گلی میں پتہ پوچھتا پھرا اس کا
جب کبھی خواب کی امید بندھا کرتی ہے
نیند آنکھوں میں پریشان پھرا کرتی ہے

رئیس فروغؔ

چاندنی نیند میں بام و در خواب میں
کوئی سایہ لرزتا پھرا ہر طرف

بیخود بدایونی

دیر و حرم کو دیکھ لیا خاک بھی نہیں
بس اے تلاش یار نہ در در پھرا مجھے

ضیا جالندھری

میں شہر شہر خوابوں کی گٹھری لیے پھرا
بے دام تھا یہ مال پہ گاہک کوئی نہ تھا