شیخ ابراہیم ذوق

نہ ہوتی دل میں کاوش گر کسی کی نوک مژگاں کی
تو کیوں حق میں مرے ہر موئے تن مثل سناں ہوتا

مصحفی غلام ہمدانی

مجھ کو اس ترک سے یہ شکوہ ہے
دل پہ رکھ کر سناں کو کیوں چھیڑا
زخم کیا کیا مرے تن پر آئے
تیری شمشیر و سناں کی دولت

میر مہدی مجروح

اول شب ہی ہجر میں ان کے
ڈھونڈتا خنجر و سناں ہوں میں

عرفان صدیقی

مروتوں کو محبت نہ جاننا عرفانؔ
تم اپنے سینے سے نوک سناں نہ چھوِ لینا
عجب سلسلہ تھا وہ جنگ آزما خاک پر جاں بہ لب چھوڑ جاتے تھے مجھ کو
پسِ معرکہ ایک دستِ کرم میرے سینے سے نوک سناں کھینچتا تھا
سروں کو ربط رہا ہے سناں سے پہلے بھی
گزر چکے ہیں یہ لشکر یہاں سے پہلے بھی