شیخ ابراہیم ذوق

جلوہ اس عالم معنی کا جو دیکھے اے ذوقؔ
لطف الفاظ نہ بے حسن معانی مانگے

عرفان صدیقی

عرض احوال پہ دنیا مرا منہ دیکھتی ہے
جیسے رشتہ کوئی الفاظ و معانی کا نہ ہو

اکبر حمیدی

وہ اس حسن توجہ سے ملے ہیں
یہ دنیا پر معانی لگ رہی ہے

اقبال ساجد

ساجدؔ تو اپنے نام کا کتبہ اٹھائے پھر
یہ لفظ کب لباس معانی میں آئے گا
کٹتے ہی سنگ لفظ گرانی نکل پڑے
شیشہ اٹھا کہ جوئے معانی نکل پڑے

محسن احسان

کیا اس سے کریں زحمت تکرار کہ جو شخص
الفاظ کے مفہوم و معانی ہی بدل دے

ناصر کاظمی

ہجوم نشہ فکرِ سخن میں
بدل جاتے ہیں لفظوں کے معانی