مصحفی غلام ہمدانی

گھاس چری ہے جنگل کی میں جون میں دنبے بکرے کی
ان کا کچھ ڈھالا کہ بگاڑا جس پر خنجر رانی ہے

جون ایلیا

تھا دربار کلاں بھی اس کا نوبت خانہ اس کا تھا
تھی میرے دل کی جو رانی امروہے کی رانی تھی

بشیر بدر

ہم رنگ دل پر خوں ہر لالۂ صحرائی
گیسو کی طرح مضطر اب رات کی رانی ہے

غلام محمد قاصر

بڑھ گیا اس رت میں شاید نکہتوں کا اعتبار
دن کے آنگن میں لبھائے رات کی رانی مجھے

حسرت موہانی

رنج دے گی باغ رضواں کی تن آسانی مجھے
یاد آئے گا ترا لطف ستم رانی مجھے

فراق گورکھپوری

وہ کبھی رنگ وہ کبھی خوشبو
گاہ گل گاہ رات رانی ہے
دن کو سورج مکھی ہے وہ نو گل
رات کو ہے وہ رات رانی بھی

محسن احسان

ترمیم و تنوع ہے کہانی میں ضروری
راجا تو بدلتا نہیں رانی ہی بدل دے

نوح ناروی

نئے شگوفے نہ کیوں کھلائیں جو غنچہ و گل کو دیکھ پائیں
بہار تو ہے چمن کی رانی چمن کی رانی ہے اور ہم ہیں