مصحفی غلام ہمدانی

پریشاں کیوں نہ ہو جاوے نظارا
اس آرائش نے دل پر نقش مارا

فیض احمد فیض

کچھ پہلے ان آنکھوں آگے کیا کیا نہ نظارا گزرے تھا
کیا روشن ہو جاتی تھی گلی جب یار ہمارا گزرے تھا

مجید امجد

تالی بجی تو سامنے ناٹک کی رات تھی
آنکھیں کھلیں تو بجھتے دلوں کا نظارا تھا

عبید اللہ علیم

محو آرائش رخ ہے وہ قیامت سرِ بام
آنکھ اگر آئینہ ہوتی تو نظارا کرتے

فارغ بخاری

زمانہ منظر موہوم کا ہے شیدائی
یہ آرزو ہے کوئی دور کا نظارا بنوں

حسرت موہانی

روبرو چشمِ تصور کے وہ ہر وقت رہے
نہ سہی آنکھ نے گر ان کا نظارا نہ کیا

شکیل بدایونی

آنکھ ان کو دیکھتی ہے نظارا کیے بغیر
پردہ میں چھپ گئے ہیں وہ پردہ کیے بغیر

اکبر حمیدی

یہ آسمان آئنے کی شکل ہے کوئی
ہم اس طرف ہیں اس کا نظارا ہے جس طرف

محسن احسان

ڈھونڈتا پھرتا ہوں خار و خس و خاشاک میں حسن
میری بینائی کو سوغات نظارا کم ہے

ناصر کاظمی

یہ کہہ رہا ہے دیارِ طرب کا نظارا
یہیں ملے گا مجھے میرا انجمن آرا
خیالِ حسن میں کتنا بہار پرور ہے
شبِ خزاں کی خنک چاندنی کا نظارا