مصحفی غلام ہمدانی

مصحفیؔ اس کے رخ پہ خط آیا
گئے وے دن گئی وہ رت ہی پلٹ

شکیب جلالی

گنبد کا کیا قصور اسے کیوں کہوں برا
آیا جدھر سے تیر، ادھر ہی پلٹ گیا
ساحل تمام اشکِ ندامت سے اٹ گیا
دریا سے کوئی شخص تو پیاسا پلٹ گیا

عرفان صدیقی

بڑھا کے ربطِ وفا اجنبی پرندوں سے
وہ ہنس اپنے وطن کو پلٹ گیا آخر

سیف الدین سیف

آپ آئے نہیں تو موت کمبخت
آ آ کے پلٹ پلٹ گئی ہے
موت نے کھیل ہم کو جانا ہے
کبھی آئے کبھی پلٹ جائے
ڈوبنے تک میں ناامید نہیں
کب نہ جانے ہوا پلٹ جائے

اختر ہوشیارپوری

پر ہول جنگلوں میں ہوا چیختی پھری
واپس گھروں کو کیوں نہ مسافر پلٹ گئے
اتنے تو راستے میں بھی سائے نہیں ملے
جتنے کہ لوگ آئے اور آ کر پلٹ گئے

احمد فراز

یہ خلوتِ جاں میں کون آیا
ہر چیز الٹ پلٹ گیا ہے
خود کو ترے معیار سے گھٹ کر نہیں دیکھا
جو چھوڑ گیا اس کو پلٹ کر نہیں دیکھا

قتیل شفائی

دشمن کے تن پہ گاڑ دیا میں نے اپنا سر
میدانِ کارزار کا پانسا پلٹ گیا