مصحفی غلام ہمدانی

کیوں نہ گریباں پھاڑوں اپنا ہاتھ اور میرا اس کا دامن
طالع ہیں آ کر کے ہوا ہے دامنِ یوسف دست زلیخا

مصطفیٰ زیدی

کنعاں میں بھی نصیب ہوئی خود دریدگی
چاکِ قبا کو دست زلیخا نہیں ملا

رئیس فروغؔ

اپنی قمیصیں سلوائیں
میں نے ایک زلیخا سے

احسان دانش

دن بھر مری نظر میں ہے وہ یوسف بہار
آتی ہے رات خوابِ زلیخا لیے ہوئے

جوش ملیح آبادی

ادھر مذہب ادھر انساں کی فطرت کا تقاضا ہے
وہ دامان مہ کنعاں ہے یہ دست زلیخا ہے

سیماب اکبر آبادی

یوسف غیور فطرت یوسف غیور تر
کیا اعتبار خوابِ زلیخا کرے کوئی

شان الحق حقی

محبت خار دامن بن کے رسوا ہو گئی آخر
یہ اقلیم عزیزاں بے زلیخا ہو گئی آخر

عزیز حامد مدنی

اب حسن پہ خود اس کا تصور بھی گراں ہے
پہلے تو گراں خوابِ زلیخا بھی نہیں تھا